Uganda mu mushinga wo kubaka umuhanda uzayihuza na Kagitumba-Rusumo

0
Ubwo aya masezerano yasinywaga muri Uganda

Nyuma y’aho u Rwanda ruboneye inkunga yo kubaka umuhanda uzava Kagitumba-Kayonza-Rusumo, ubu na Uganda yahawe iyi nkunga na Banki Nyafurika Itsura Amajyambere yo kubaka uyu muhanda uzahuza ibi bihugu byombi.

Uyu muhanda ku ruhande rwa Uganda uzubakwa mu duce twa Kibuye-Busega na Mpigi, mu gihe ku ruhande rw’u Rwanda uzubakwa kuva ahitwa Kagitumba-Kayonza-Rusumo.

Uyu mushinga wo kubaka uyu muhanda ukaba waratewe inkunga na Banki Nyafurika Itsura amajyambere.

Muri  Nyakanga 2016, mu Rwanda habaye umuhango wo gushyira umukono ku masezerano y’inguzanyo u Buyapani bwahaye u Rwanda ya miliyali 54.7Frw, hakiyongeraho n’andi miliyari 75.2Frw Banki Nyafurika Itsura Amajyambere (BAD) yagurije u Rwanda mu kubaka uyu muhanda.

Umushinga wose uzatwara miliyoni 376.5 z’amadorali ya Amerika.

Jim Mugunga uvugira Minisiteri y’imari ya Uganda, yavuze ko aya masezerano yahuje abahagaraiye u Rwanda, ugnada na babnki nyafurika itsura amajyambere.

Banki  nyafurika itsura amajyambere ivuga ko uyu muhanda ku ruhande rwa Uganda uzaba ufite ibirometero 32, mu gihe ku ruhande rw’u Rwanda ari kilometero 208.

Kubaka umuhanda Kagitumba-Kayonza-Rusumo, biherutse kugarukwaho na Perezida Paul Kagame, wabwiye abaturage ba Kayonza ko uyu muhanda uzabagirira akamaro.

Tariki ya 30 Mata 2016 ubwo yakoraga umuhanda muri aka karere yagize ati “Umuhanda munini uva Kagitumba-Kayonza-Rusumo uri mu nzira yo gukorwa bundi bushya, iby’ibibanze byose ubu biri ku murongo bigiye gutangira, muzawurinde kandi muwukoreshe neza ubagirire akamaro.”

Umukuru w’igihugu yongeye gusaba abatuye Akarere ka Kayonza kubyaza amahirwe imihanda myinshi bafite.

Umuhanda Kagitumba-Kayonza wubatswe mu 1986, mu gihe uwa Kayonza-Rusumo wubatswe mu 1976, gusa wari warangiritse cyane. Biteganyijwe ko uyu muhanda kuba wuzuye mbere y’umwaka wa 2019.

Leave a Reply